Украина Чавушоглу, Калын жана Байрактарды мамлекеттик сыйлык менен сыйлайт

Украина Түркиянын тышкы иштер министри Мевлүт Чавушоглу, Президенттик аппараттын басма сөз катчысы Ибрахим Калын жана «Байкар» ишканасынын башкы директору Халук Байрактарды ​​мамлекеттик сыйлык менен сыйлай турганын билдирди.

Украинанын Президенттигинин билдирүүсүндө, Чавушоглу, Калын жана Байрактардын ​​Украинанын президенти Владимир Зеленский кол койгон жарлык менен мамлекеттик сыйлыкка татыктуу деп табылганы айтылды.

Жарлыкта ​​Украинанын эл аралык кадыр-баркын күчтөндүрүүгө жана мамлекеттер ортосундагы кызматташтыкты өнүктүрүүгө кошкон салымдары үчүн  Чавушоглу, Калын жана Байрактардын мамлекеттик орден менен сыйлана турганы билдирилди.