Трамп демонстранттарды коркутту

АКШнын Президенти Дональд Трамп, өлкөдөгү полицияга каршы нааразычылык акциялары учурунда федералдык имараттарга зыян келтиргендердин кеминде 10 жылга эркинен ажыратыла турганын белгилеп: «Муну жасабагыла»,- деди.

Трамп өлкөдө расизм жана полициянын зомбулугуна каршы уюштурулган митингдердин зордук-зомбулук окуяларына айланышы менен федералдык имараттардын бутага алынышына өзүнүн Твиттер баракчасынан каршылык көрсөттү.

Орегон штатындагы Портленд шаарында федералдык сот имаратын демонстранттар өрттөп жибергенин баса белгилеген Трамп: «Портленддеги федералдык сот имаратын же биздин штаттагы жана шаардагы федералдык имаратка зыян келтирген анархисттер, провокаторлор же демонстранттар жакында бекитилген Айкелдер жана эстеликтер мыйзамы боюнча жоопкерчиликке тартылышат»,-деп айтты.

Бул адамдар аты аталган мыйзам боюнча кеминде 10 жылга эркинен ажыратылышы мүмкүн экендигин баса белгилеген Трамп: «Муну жасабагыла»,- деди.