Италияда үч кишинин өмүрүн алган коронавирустан улам Венеция карнавалы токтотулду
Жаңы типтеги коронавирус бүткүл дүйнөгө жайылып жатат.
Италияда 3 кишинин каза табышына себеп болгон жаңы типтеги коронавирустун айынан Венеция карнавалы токтотулду.
Венетонун губернатору Лука Зайя, Венецияда кечээ кечтен бери карнавал үчүн уюштурулган иш-чаралардын токтотулгандыгын билдирди.
Он миңдеген туристти шаарга тарткан Венеция карнавалынын эртеңкиге чейин уланышы пландалып жаткан эле.
Венеция жана Венетодогу музей, мектеп, университет жана элге ачык берки жайлардын дагы 1-мартка чейин жабык болоору билдирилди.
Бул учурда Австрия жаңы типтеги коронавирустун себебинен Италиядан жүргүзүлгөн поезд каттамдарын убактылуу токтотту.
Италияда жума күнүнөн бери ылдам жайылып бараткан Ковид-19дун айынан каза тапкандардын саны 3кө, вирусту жуктургандардын саны 152 кишиге жеткендиги билдирилген эле.
Тектеш кабарлар
Орусия Новокалиновону көзөмөлгө алды
Орус армиясынын Украинадагы чабуулдары тууралуу маалымат берилди.
