Индияда жолборстордун саны 3 миңге жакындады

Индияда жолборстордун саны 2014-2018-жылдар аралыгында 33 пайыз өсүп 3 миңге жакындады.

Индостан Таймстын маалыматына караганда премьер-министр Нарендра Моди, жолборсторду коргоо боюнча улуттук мекеменин 2018-жылга карата болжолдуу көрсөткүчтөрүн жарыялады.

Моди сөз сүйлөөсүндө, 2014-жылы 2 миң 226 болгон жолборстордун саны 2018 жылы 2 миң 967ге жеткендигин айтты.

Жолборстордун санындагы өсүүгө басым жасаган Моди: «Орто эсеп менен 3 миң жолборс менен Индия, дүйнөдөгү жолборстор үчүн коопсуз жана эң чоң жерлердин бири болуп саналат. Дүйнөдөгү жолборстордун төрттөн үчү Индияда жашайт»,-деди.

Индиядагы токой жана коргоо аянттарынын саны көбөйгөндүгүн билдирген министр Моди, 2014-жылы 692 болгон коргоого алынган аянттарынын саны 2019-жылы 860ка жеткенин айтты.

Жолборстордун санында 33 пайыздык өсүү болгондугу белгиленген отчетто, көптүгү жагынан 526 жолборс менен Мадхья Прадеш, 524 менен Карнатака жана 442 жолборс менен Уттаракханд аймактары турганы маалымдалды.