АКШ эми Түштүк Корея менен бирге машыгууларды улантпайт

АКШнын президенти Дональд Трамп Түштүк Корея менен биргеликте аскердик машыгууларды улантуунун керек эмес экендигин айтты.

Ак үйдөн берилген маалыматка караганда Трамп : «Азыркы учурда бул биргелешкен машыгууларды улантып көптөгөн акча жумшоонун мааниси жок»,- деди. Маалыматта : «Президент Трамп Түндүк Кореянын лидери менен жакындан мамиле кургандыгына ишенип жатат. Кааласа машыгууларды кайрадан баштата алат. Анда бул машыгуулар ар дайымкыдан дагы чоң болот»,- деп билдирилди. Трамптын бул маалыматты мамлекеттик катчы Майк Помпеонун Түндүк Корея сапарында атомдук куралсыздануу тууралуу жетеринче өзгөрүү болбогондугун негиз катары көрсөтүп токтотуусунан кийин бергендигине көңүл бурулууда.