Еврей отурукташуучулар палестиналыктарды жаралады

Басып алынган Батыш Шериада еврей отурукташуучулардын кол салуусу менен чыккан окуяларда Израиль коопсуздук күчтөрү эки палестиналыкты жаралады.

Батыш Шерианын түндүгүндөгү отурукташуу жери досьесинин жооптуусу Гассан Даглас Палестина расмий маалымат агенттиги WAFAга берген маалыматында Ицхарск еврей отурукташуу жеринен бир группа еврей отурукташуучунун Наблустун түштүгүндөгү Бурин айылындагы палестиналыктардын үйлөрүнө кол салышкандарын белгиледи.

Даглас бул кол салуудан кийин Израиль аскерлери менен айыл тургундарынын ортосунда чыккан кагылышууда эки палестиналыктын жаралангандыгын билдирди.

Палестина саламаттык сактоо министрлиги тарабынан берилген жазуу түрүндөгү маалыматта да эки палестиналыктын чыныгы ок менен жаралангандыгын айтты. Маалыматта бирөөсү көкүрөгүнөн, бирөөсү болсо мойнунан жараланган палестиналыктардын дарыланышы үчүн Руфейда ооруканасына жаткырылгандыгы билдирилди.