Фидель Кастронун уулу каза тапты

Кубанын мурунку мамлекет башчысы Фидель Кастронун 68 жаштагы улуу уулу Фидель Кастро  Диаз – Баларт каза болду. Кубанын расмий гезитинде берилген кабарга ылайык Кастронун акыркы айларда катуу депрессия боюнча дарылангандыгы белгиленди. Өлүм себебине байланыштуу маалымат берилбестен жаназасына байланыштуу маалыматтын үй  - бүлөсү тарабынан берилери белгиленди.

Кубада «Фиделито» деп билинген Кастро 1949 – жылы  Кастронун биринчи жубайы Мирта Диаз – Баларттан төрөлгөн. Советтер союзу мезгилинде ядролук физика билимин алган Кастро Кубанын ядролук иштерине кошкон салымы менен да белгилүү. Кубанын мурунку мамлекет башчысы Фидель Кастро болсо 2016 -  жылы ноябрь айында 90 жашында дүйнөдөн кайткан.