Абхазияда болгон жарылуу

Грузияга караштуу Абхазия автономиялуу республикасынын Гудатский аймагындагы коргоо министрлигине таандык ок - дары сактоочу жерде чыккан катуу жарылууда аймакта эс алып жаткан 2 орус турист каза болду. 

Саламаттык сактоо министрлигинин катчысы Рустам Зантаря жарылууда 60 кишинин жаралангандыгын, кээ бирлеринин абалынын оор экендигин айтты. Зантаря  жаралангандардын көпчүлүгүнүн аймакка эс алуу үчүн келген туристтер экендигин жана жарылуу учурунда тегерекке чачылган шрапнель, айнек жана таштардан улам жаракат алышкандарын билдирди. Жарылуунун себеби иликтенүүдө.