Дональд Трамп менен Ким Чен Ын бетме-бет жолугабы?

Согуштун босогосуна келген АКШ менен Түндүк Кореянын ортосунда кызык абал...

АКШнын президенти Дональд Трамп, Түндүк Кореянын лидери Ким Чен Ын менен ыңгайлуу шарттар астында таанышса сыймыктана турганын айтты.

Трамп: «Аны менен жолугушуу мен үчүн ылайыктуу болгондо муну кескин түрдө каалайт элем, муну кылганым үчүн сыймыктанамын. Эгерде туура шарттар астында болгондо муну кылмакмын»,-деди.

Ак үйдүн катчысы Шон Спайсер болсо бул тема тууралуу: «Түндүк Корея провакациялык мамилесин өзгөртүшү керек. Ачык айтканда шарттар учурда ылайыктуу эмес»,-деди.

Ушул убакка дейре АКШнын эч бир президенти Түндүк Кореянын лидери менен жолуккан эмес.

АКШ өткөн апталарда ядролук ракета программасынын коркунучуна каршы Корея жарым аралына Carl Vinson флотун жөнөткөн.

Айрыкча Трамп: «Түндүк Корея башына балээ издеп жатат», деген твит бөлүшкөн.

Буга карата Түндүк Корея да АКШны коркутуп, «Дароо согуш чыгып кетиши мүмкүн»,-деген жооп кайтарган.