Обаманы өлүм менен коркуткан киши жазага тартылды

АКШнын президенти Барак Обаманы өлүм менен коркуткан бир киши 3 жыл абак жазасына тартылды.

Мэдисон шаарында болгон сотто жюри 55 жаштагы Брайан Датчерди оозеки түрүндө жана фейсбуктагы бөлүшүүлөрүнөн улам эки жолу «президентти өлүм менен коркутуудан» кылмышкер деп тапты. Датчер федералдык сот тарабынан 3 жыл абак жазасына тартылды.

2013 - жылы да Флоридада бир киши фейсбук аркылуу Обаманы «өлүм менен коркутту» деген негиз менен 15 ай абак жазасына тартылган.