Давутоглу дүйнө жүзүн Халебге көңүл бурууга чакырды

Давутоглу дүйнө жүзү Халебдеги апаатты карап гана турганын айтты.
Түркиянын премьер-министри Ахмет Давутоглу Чоң жыйырма саммити үчүн Австралияга аттанаарда Сириядагы абалга да токтолду.
Асад күчтөрүнүн Халеб чек арасын курчап жана элди кыруу коркунучун белгилеген Давутоглу: «Халеб темасында санааркап жатабыз жана каршы чыгабыз. Дүйнө жүзү бул апаатты карап гана турат»,-деди.
Эл аралык чөйрөлөрдүн террор уюму ИШИМдин кол салууларына дуушар болгон Кобани районуна көрсөткөн кызыгууну Асад режиминин кыргындарына дуушар болгон Халеб калкы үчүн да көрсөтпөгөндөрүнө каршы чыкты.
Давутоглу: «Халеб сыяктуу чоң шаарда абдан чоң апаат болгонуна карабастан Сирия режимине каршы чара көрүлбөй жатса, ал тургай каршылык да көрсөтүлбөй жатса мунун изилдениши керек»,-деди.
Премьер-министр Давутоглу: «Чоң жыйырма саммитинде бардык катышуучулар менен бул темаларды карайбыз, Халебдеги бул адамзаттык трагедиянын токтотулушу үчүн ар ким тийиштүү кадамдарды ташташы боюнча чакырык салабыз»,-деп айтты.