Боко Харам менен келишим

Нигерия өкмөтү менен Боко Харам террордук уюмдун ортосундагы сүйлөшүүлөрдөн жыйынтык чыкты. Нигерия өкмөтү уюм менен келишимдин түзүлгөнүн билдирди. Түзүлгөн келишимге караганда Боко Харам качырган 219 кыз окуучуну эркин кое берет жана ок атууну токтотуу жарыяланат. Өкмөттүн берген маалыматына караганда Боко Харамдан азырынча билдирүү келе элек. Бир тараптан Камерун да Боко Харам менен өлкөнүн түндүгүндө күрөшүүдө. Камерундун коргоо министрлиги кагылышууларда 107 террористтин өлтүрүлгөнүн, 8 аскердин да каза болгонун билдирди.