Ресейде 4 сәуір күні "Замандас Түркия" конференциясы өтеді
Конференцияға Ресейдің белгілі «Valdai Discussion Club» пен Түркияның «SETA» мекемелерінің өкілдері баяндамашы болып қатысады.
Президенттік аппараттың коммуникация басқармасы бүкіл әлемнің стратегиялық маңызы бар елдерінде ұйымдастырған «Turkey Today / Замандас Түркия» тақырыпты конференцияның келесі іс-шаралары 4 сәуір күні Ресейде ұйымдастырылады.
Президенттік аппараттың мағлұматтарына қарағанда өткен жылы қыркүйек айында алғашқысы АҚШ-тың Нью-Йорк қаласындағы БҰҰ Ассамблеясының бас ғимараты алдында, екіншісі президент Режеп Тайып Ердоғанның Германияға ресми сапары кезінде Берлинде, үшіншісі қараша айда Үлкен жиырмалық елдері саммиті алдында Аргентинаның бас қаласы Буэнос-Айресте, төртіншісі желтоқсан айында Ұлыбританияның бас қаласы Лондонда және соңғысы Қытайдың бас қаласы Пекин мен Шанхай қалаларында ұйымдастырылған «Замандас Түркия» тақырыпты конференциялық іс-шаралар 4 сәуір күні Ресей болып өтеді.
4 сәуір күнгі конференцияда «Сирия кезеңінде Түркия-Ресей ынтымақтастығы» тақырыбымен ұйымдастырылатын жиналысқа Ресейдің белгілі «Valdai Discussion Club» мекемесі мен Түркияның «SETA» мекемесінің (Саясат, Экономика және қоғамдық зерттеулер) өкілдері баяндамашы болып қатысады.
Ұқсас жаңалықтар
Ердоған Никол Пашинянмен телефон арқылы сөйлесті
Ердоған Армения премьер-министрі Никол Пашинянмен телефон арқылы сөйлесті.