Йылдырым мен Медведев Стамбұлда бас қосты
Екі басшы екі жақты сауда-саттық шектеулерді жою жөніндегі декларацияға қол қою рәсіміне қатысты.
![Йылдырым мен Медведев Стамбұлда бас қосты](http://cdn.trt.net.tr/images/xlarge/rectangle/092a/8140/55bb/5922bcc731825.jpg?time=1718831591)
Премьер-министр Бинали Йылдырым Қаратеңіз экономикалық ынтымақтастығы ұйымының 25 жылдығына орай Стамбұлда ұйымдастырылған саммит аясында Ресей премьер-министрі Дмитрий Медведевпен бас қосты.
Медведев пен Йылдырым журналисттердің алдында қол алысып фотосуретке түскен соң баспасөзге жабық оңаша кездесті.
Екі басшы кейін Түркия мен Ресей арасындағы сауда-саттық кедергілерді жою үшін жарияланған декларацияға қол қою рәсіміне қатысты.
Декларацияға вице-премьер Мехмет Шимшек пен саммит аясында Стамбұлға келген орыс әріптесі Аркадий Дворкович қол қойды.
Декларация екі жақты жасалған сауда шектеулерін жоюды нысанаға алады.
Сауда-саттық шектеулерді екі жақты жою жөніндегі саяси шешімді президент Режеп Тайып Ердоған мен Ресей мемлекет басшысы Владимир Путин Сочиде 3 мамыр күні болып өткен кездесуде қабылданған болатын.
Медведев пен Йылдырым мұның алдында соңғы рет желтоқсан айында Ресейдің бас қаласы Мәскеуде бас қосқан болатын.
Ұқсас жаңалықтар
![Ердоған Никол Пашинянмен телефон арқылы сөйлесті](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718831591)
Ердоған Никол Пашинянмен телефон арқылы сөйлесті
Ердоған Армения премьер-министрі Никол Пашинянмен телефон арқылы сөйлесті.