Қырғызстан халқының саны 6 миллионнан асты

2016 жылы Қырғызстан халқының саны 6 миллионнан асты.

Бұл туралы Қырғыз Республикасының Ұлттық статистика комитеті білдірді.

Хабарламаға қарағанда, Қырғызстан халқының саны 2016 жылы 5 млн 990 мың 006 адамды құраса, ал 2016 жылдың соңында 6 млн 89 мың 859 адамға жеткен.

2016 жылғы есеп бойынша, Қырғызстан халқының саны 99 мың 853 адамға өскен. Қырғыз Республикасының Ұлттық статистика комитетінің мәліметіне сүйенсек, 2016 жылы елде 162 мың 329 адам туылып, 38 мың 516 азамат көз жұмған. Халық санының табиғи өсімі 123 мың 813 адамды, көші-қон өсімі 23 мың 960 адамды құраған.