Газада қаза тапқандар саны 243-ке өсті

Оккупациялаған Газа секторына 10 мамыр күні Израиль армиясы бастаған және Палестина көтерілісшіл күштер қозғалысы Хамасен қабылданған атысты тоқтатудың артынан аяқталған шабуылдардың салдарынан қаза тапқан палестиналықтар саны 243-ке жетті.

Хамас пен Тель-Авив әкімшілігі арасында жасалған атысты тоқтатудың артынан Израильдің Газаға бағытталған шабуылдары жергілікті уақытпен сағат 02:00-де аяқталды.

Газадағы Палестина Денсаулық сақтау министрлігі Израильдің аймаққа жасаған 11 күндік шабуылдарында тіркелген адам шығыны туралы жаңа бір мәлімдеме жасады.

Мәлімдемеде Израильдің шабуылдары салдарынан Газада қаза тапқан палестиналықтар санының 243-ке көбейгені айтылды.

Қаза тапқандар арасында 66 бала мен 39 әйел бар екеніне назар аударылған мәлімдемеде жарақат алғандар саны 1 мың 910 деп көрсетілді.

Басқа жағынан аймақтағы жергілікті ақпарат көздері Израиль шабуылдары салдарынан Газада құлаған бір үйдің үйінділері арасынан бір баланың мәйітінің табылғанын мәлімдеді.

Израильдің оккупацияланған Шығыс Иерусалимдегі әл-Акса мешітінде ораза айында ғибадат жасағандарға шабуылы және Шейх Джаррах ауданының тұрғындарын үйлерінен күштеп шығару жоспарлары аймақтағы шиеленісті арттырған еді.

Америка Құрама Штаттары (АҚШ) әкімшілігінің қысымдарының артынан Израиль кері шегініп, Хамас-пен атысты тоқтату келісімін қабылдаған болатын.