Арменияда наразылық митингтері жалғасуда
Оппозициядағы басшы депутат Пашинян ерте сайлау шешімі қабылданғанша митингтердің тоқтамайтынын мәлімдеді.
Армения саясатындағы дағдарыс жалғасуда.
Бұрынғы президент Серж Саркисянның премьер-министрлік міндетінен кетуінің артынан депутат Никола Пашинян басшылығында қайта жиналған оппозиционерлер шерулерін күнімен жалғастырды.
Үкімет ғимараты орналасқан Республика алаңында кешкі уақытқа дейін жалғасқан наразылық митингіне мыңдаған адам қатысты.
Биліктің отставкаға кетуі бағытында ұрандар тастаған митингте сөз алған Пашинян оппозиция ретінде Арменияда уақытша үкімет құру пікірталастарын келіссөзге ашуға дайын екендерін білдірді.
Уақытша премьер-министр Карен Карапетянның қауіпсіздік күштерінен елде «төтенше жағдай» жариялануын талап еткенін жариялаған Пашинян Карапетян мұндай бір шешімге қол қойғанның өзінде бағынбайтынын атап айтты.
Пашинян «Біздің жалғыз талабымыз бар. Ол жедел түрде Республикашыл партияның билікті алғы шартсыз тапсыруы» деді.
Оппозициядағы басшы ерте сайлау талаптары орындалмайынша наразылық митингтерін тоқтатпайтындарын да білдірді.
Ұқсас жаңалықтар
Газа секторында тағы 17 палестиналық қаза тапты
Израиль армиясының шабуылында Газа секторында кемінде 10-ы бала болған 17 палестиналық қаза тапты.
Нигерияда 7 студент қаза тапты
Нигериядағы музыкалық студияда 7 университет студенті генератордың түтінінен уланып қайтыс болды.