«Адам құқықтары бұзушылықтарын сотқа береміз»
Джемилев Қырымда дін еркіндігіне де қауіп төнгенін айтты.
Қырым татарларының көсемі және Украина мәжілісінің депутаты Мұстафа Джемилев Қырымда болған заң бұзушылықтарға байланысты көптеген халықаралық ұйымның тексеру жүргізгенін және есеп жариялағанын айтты.
Еуропадағы Қауіпсіздік және ынтымақтастық ұйымы мен Біріккен Ұлттар Ұйымының Адам құқықтары комиссарларының да тақырыпқа назар аударғанын атап көрсеткен Джемилев «Қырымдағы заң бұзушылықтарды Еуропа адам құқықтары сотына береміз» деді.
Оның айтуынша бұзушылықтар көп, сот көпке созылады.
Джемилев 16 наурыз референдумынан кейін Қырым татарларының азапқа ұшырағанын және негізгі құқық пен еркіндіктерінің қолдарынан алынуға тырысқанын айтты.
«Қырым татарларын орыс төлқұжатын алуға күштеп жатыр, бұған қарсы шыға алмайсыз. Себебі орыс төлқұжатыңыз болмаса, жұмыс таба алмайсыз. Өз еліңде жат болып қаласың. Орыс төлқұжатын алмасаң, шетелдік азамат секілді үш айда бір шетелге шығып келуің керек. Орыс барлау қызметкерлері де бұл тақырыпта мұқият жұмыс істейді» деді.
Джемилев Қырымда дін еркіндігіне де қауіп төнгенін, көптеген мешіт пен медреселерге шабуыл жасалып отырғанын айтты.
