თურქული პრესა 22.05.2024
თურქული პრესის მოკლე მიმოხილვა
თურქული პრესა 22.05.2024
თურქული პრესის მოკლე მიმოხილვა
Star: "ერდოღანი: საერთაშორისო საზოგადოების პასუხისმგებლობა აშკარაა"
რუმინეთის პრემიერ-მინისტრ ჩოლაკუსთან ერთად გამართულ პრესკონფერენციაზე პრეზიდენტმა ერდოღანმა თქვა: "აშკარაა საერთაშორისო საზოგადოების პასუხისმგებლობა ისრაელის სისასტიკის შეჩერებისა და ჩვენი პალესტინელი ძმების უსაფრთხოების უზრუნველყოფის საკითხზე. თუმცა, ამის მიუხედავად, ხოცვა-ჟლეტის აღსაკვეთად ნაბიჯები მაინც არ იდგმება. ნეთანიაჰუ და მისი მთავრობა ახორციელებენ გენოციდის პოლიტიკას საკუთარი მოქალაქეების უსაფრთხოების საფრთხეში ჩაგდების საფასურად. ეს ახლავე უნდა შეწყდეს“.
Sabah: "სელჩუკ ბაირაქტარი: სამაგალითო ოპერაცია მსოფლიოსთვის"
უპილოტო საფრენი აპარატი "Akıncı", რომელმაც ირანის პრეზიდენტისა და მისი გარემოცვის ჩამოვარდნილი შვეულმფრენის ნამსხვრევების არეალი აღმოაჩინა, მსოფლიოში აქტუალური თემა გახდა. „ბაიკარი“-ს მმართველი საბჭოს თავმჯდომარემ და ტექნოლოგიების ლიდერმა სელჩუკ ბაირაქტარმა აღნიშნა, რომ თურქეთი არის მაგალითი მსოფლიოსთვის როგორც ცივილიზაციური ღირებულებებით ისე ტექნოლოგიური განვითარების თვალსაზრისით.
Hürriyet: "თურქეთმა მოგზაურობის ინდექსში 8 ადგილით ზემოთ გადაინაცვლა"
მსოფლიო ეკონომიკური ფორუმის 2023 წლის მოგზაურობისა და ტურიზმის განვითარების ინდექსში თურქეთმა 8 საფეხურით წინ წაიწია და 119 ქვეყანას შორის 29-ე ადგილი დაიკავა.
Yenişafak: "სტამბოლის აეროპორტი ისევ პირველია"
6-12 მაისს შორის სტამბოლის აეროპორტი ევროპაში ისევ ყველაზე დატვირთული აეროპორტი გახდა დღეში საშუალოდ 1430 რეისით.
Habertürk: "გეზერავჯი: ჩვენ ვგეგმავთ მთვარეზე ასლვას"
თურქეთის პირველმა ასტრონავტმა ალპერ გეზერავჯიმ თქვა: „სულ რაღაც რამდენიმე თვეში ჩვენი ქვეყნის რესურსებით წარმოებული რაკეტით და ამ რაკეტის კოსმოსში გადამზიდავი სისტემით ჩვენ ვგეგმავთ მთვარეზე ასვლას“.