პრეზიდენტმა ერდოღანმა რუსეთის პრეზიდენტ პუტინთან სატელეფონო საუბარი გამართა

პრეზიდენტმა რეჯეფ თაიფ ერდოღანმა რუსეთის პრეზიდენტ პუტინთან სატელეფონო საუბარი გამართა.

პრეზიდენტის კომუნიკაციების დირექტორატის განცხადებით, საუბრის დროს რუსეთ-უკრაინის საკითხი განიხილეს.

პრეზიდენტმა ერდოღანმა ხაზგასმით აღნიშნა, რომ ყოველთვის დიდ მნიშვნელობას ანიჭებდა რუსეთის პრეზიდენტ პუტინთან მჭიდრო დიალოგს რეგიონალურ საკითხებზე, რომ მათ ნახეს ამის დადებითი შედეგები და გადაწყვეტილი აქვს შეინარჩუნოს ეს გაგება.

ერდოღანმა განაცხადა, რომ ისინი არ აღიარებენ ნაბიჯებს, რომლებიც ეწინააღმდეგება უკრაინის სუვერენიტეტსა და ტერიტორიულ მთლიანობას, ეს პრინციპული პოზიციაა და მნიშვნელოვანია მინსკის შეთანხმებების საფუძველზე შედეგის მიღწევა.

მანვე ხაზგასმით აღნიშნა, რომ პრობლემის კიდევ უფრო გართულება და განსაკუთრებით სამხედრო კონფლიქტი სარგებელს არავის მოუტანს, ამ გაგებით დიპლომატიური კონტაქტებისა და მოლაპარაკებების გაგრძელებას მნიშვნელობას ანიჭებენ და თურქეთი მზადაა დღესაც, ისევე როგორც გუშინ, თავისი წილი მისია შეასრულოს დაძაბულობის შესამცირებლად და მშვიდობის შესანარჩუნებლად.

ერდოღანმა კიდევ ერთხელ გაიმეორა მოწოდება, რომ ეს საკითხი მოგვარდეს დიალოგის გზით, აღნიშნა, რომ მომგებიანია დიპლომატიის წინა პლანზე წამოწევა და ნატოშიც კონსტრუქციულ პოზიციას ინარჩუნებენ.

პრეზიდენტმა ერდოღანმა განაცხადა, რომ რუსეთის პრეზიდენტ პუტინს უმაღლესი დონის თანამშრომლობის საბჭოს სხდომაზე დასასწრებად უმოკლეს დროში თურქეთში ელის, როგორც ეს შეთანხმებული იქნა სექტემბერში სოჭში ვიზიტის დროს.