ერდოღანმა გამგებლებთან შეხვედრა გამართა

თურქეთის პრეზიდენტმა რეჯეფ თაიფ ერდოღანმა დღეს პრეზიდენტის სასახლეში სოფლის გამგებლებთან შეხვედრა გამართა და სიტყვით გამოსვლისას ქვეყნის სამხრეთ აღმოსავლეთ რეგიონში მიმდინარე სპეცოპერაციების შესახებ ისაუბრა. ერდოღანმა განაცხადა, რომ ოპერაციები ქურთი ხალხის წინააღმდეგ კი არა, არამედ ტერორისტების წინააღმდეგ ხორციელდება. პრეზიდენტმა ასევე ტერორგანიზაცია პკკ-ს რიგებში გაწევრიანებულ ახალგაზრდობასაც მოუწოდა, რომ სანამ დროა შეცდომისგან გაერიდონ და საკუთარი ოჯახების და სამშობლოს სამსახურში ჩადგნენ. მან ასევე კიდევ ერთხელ ხაზგასმით აღნიშნა, რომ ის ვინც შეიარაღებულია, ან კიდევ მათ ნებისმიერი ფორმით ხელს უწყობს, ისიც დანაშაულს ჩადის. ერდოღანმა კიდევე ერთხელ განაცხადა, რომ ოპერაციები რეგიონიდან ტერორისტების სრულ გაწმენდამდეს და წესრიგის დამყარებამდე გაგრძელდება.