ახალ გარდამავალ მთავრობაში რომელ პარტიას რამდენი სამინისტრო გად

ახალ გარდამავალ მთავრობაში რომელ პარტიას რამდენი სამინისტრო უნდა გადაეცეს უკვე ცნობილია. პრეზიდენტმა რეჯეფ თაიფ ერდოღანმა მოამზადა გრაფა, რომელშიც აღნიშნულია საარჩევნო მთავრობის ჩამოყალიბების მიზნით ახალ მინისტრთა საბჭოში პრემიერმინისტრის ჩათვლით არჩევნებში მონაწილე პარტიებიდან თუ რომელ პარტიას რამდენი სამინისტრო უნდა გადაეცეს. ამის მიხედვით პრემიერისა და სამი დამოუკიდებელი პარლამენტარის გარდა, სამართლიანობისა და განვითარების პარტიას 11, რესპუბლუკურ სახალხო პარტიას 5, ეროვნული მოძრაობის და ხალხთა დემოკრატიულ პარტიას 3-3 სამინისტრო უნდა გადაეცეთ. პრემიერმინისტრის წყაროებისგან გავრცელებული ინფორმაციის მიხედვით, აღნიშნული გრაფა უკვე მზადაა და პრემიერმინისტრ აჰმედ დავუთოღლუს გადაეცა. დავუთოღლუ კი გრაფის მიხედვით დღეს პარლამენტარებთან მოლაპარაკებების დაწყებას აპირებს. მეორეს მხრივ, უმაღლესი საარჩევნო კომისიის მიერ მიღებული გადაწყვეტილებით, რომელიც ოფიციალურ გაზეთში უკვე გამოქვეყნდა, თურქეთში 26-ე საპარლამენტო არჩევნები 2015 წლის 1 ნოემბერს გაიმართება.