ხოფაში მომხდარ წყალდიდობას მსხვერპლი მოყვა

ძლიერი წვიმების გამო ართვინის დაბა ხოფაში მომხდარ წყალდიდობას 8 ადამიანი ემსხვერპლა. დაკარგული ბავშვის სამძებრო სამუშაოები გრძელდება, 17 ადამიანი კი დაშავებულია.

რეგიონში ენერგო გადამცემი ხაზების ჩამოვარდნის გამო ზოგ დასახლებას ელექტრო ენერია არ მიეწოდება.

კატასტროფებისა და საგანგებო სიტუაციების სამმართველო და რეგიონალური სამსახურები გზების გახსნისათვის სამუშაოებს ატარებენ.

რეგიონში სამუშაოებს ატარებენ სამძებრო-სამაშველო სამსახურის ჯგუფები.

გავრცელებული ინფორმაციის თანახმად, დაზიანებულია სარფის საზღვართან ტრაილერების პარკში გაჩერებული 300 მანქანა.

აღმოსავლეთ შავიზღვისპირეთში დღეს შესაძლო წყალდიდობისა და მეწყერის გამო კატასტროფებისა და საგანგებო სიტუაციების სამმართველო საგანგებო მუშაობის რეჟიმზეა გადასული.

ხოფაში ჩავიდა ტყისა და წყლის რესურსების მინისტრი ეროღლუ და სტიქიის ადგილები მოინახულა.