კაპიტნის დღიური 31-2023

კაპიტნის დღიური 31-2023

ნესლიჰან დეღირმენჯიოღლუ

ქოჯაელი

ვაგრძელებთ ცურვას შავ ზღვაში. დღევანდელი ჩვენი მარშუტი არის ქოჯაელი. ქოჯაელი ცნობილია, შავი ზღვის რეგიონის ციცაბო ფერდობებით დაფარული ფიჭვნარით და ფერდობებზე და პლატოებზე ხის სახლებით. ის მდებარეობს შავი ზღვის მარმარილოს მხარეს. უფრო მეტიც, ის ძალიან ახლოს არის სტამბულთან და ამიტომ ბევრი მნახველი განსაკუთრებით შაბათ-კვირას დროის გატარებას აქ ამჯობინებს. ზაფხულში ამ ადგილს ყოველდღიური პიკნიკების მსურველები ირჩევენ. კემპინგისა და მოტოციკლეტის მოყვარულები შემოდგომაზე და ზამთარში ხშირად სტუმრობენ ქოჯაელს.

პირველი გაჩერება, რომელზეც საქარიადან ქოჯაელში ცურვისას შევჩერდებით, არის უზუნქუმის ბუნების პარკი. ეს არის ბუნების მშვენიერი ნაწილი, რომლის ერთი მხარე ზღვაა, მეორე მხარე კი ტყე. თითქოს ფილმის კადრში შედიხარ! ვინც უპირატესობას სახმელეთო გზით მოგზაურობას ანიჭებს, ოთხბორბლიანი მაღალი ავტომობილების გამოყენებაა აუცილებელი, რადგან ტრანსპორტირება ცოტა რთულია. ამიტომაც ბევრი მნახველი არ ჰყავს, მაგრამ ჩვენთვის პრობლემა არ არის, რადგან ჩვენ ნავით მივდივართ. არ ისურვებდით ბუნებასთან დროის გატარებას, დიდხანს გაისეირნოთ სანაპიროზე ან ბანაკში და უყუროთ მზის ამოსვლას ამ მშვიდ და ხელშეუხებელ ადგილას?

აქედან რომ გაიხედავთ, დაინახავთ კუნძულს. ის არის კეფკენის კუნძული. მიუხედავად იმისა, რომ შავ ზღვაში არის დიდი და პატარა კუნძულები, ამ კუნძულებზე ხალხი არ ცხოვრობს. კეფკენის კუნძული ცნობილია, როგორც შავი ზღვის ერთადერთი დასახლებული კუნძული. კუნძულზე მისვლა შესაძლებელია ათწუთიანი მოგზაურობის შემდეგ. ახლა მივუბრუნდეთ ჩვენს მარშრუტს კეფკენისკენ. კუნძულზე არის ელინისტური, რომაული და ბიზანტიური პერიოდის ქალაქის კედლების ნანგრევები და წყლის ცისტერნები. კეფკენის კუნძული არის ადგილი, რომელსაც ხშირად სტუმრობენ ფრინველთა დამკვირვებლები, რადგან ის მდებარეობს გადამფრენი ფრინველების გასავლელ მარშრუტზე. კუნძული მოვინახულეთ და ისევ მოპირდაპირე ნაპირზე გადავდივართ. აქ არის პლაჟი ჯებეჯი, რომელიც აკმაყოფილებს ლურჯი დროშის კრიტერიუმებს, თავისი ცქრიალა წყლებით და წვრილი ქვიშით. ტკბებით თუ არა ამ ულამაზეს სანაპიროზე ზღვითა და ქვიშით, დადიხართ სათევზაოდ ან სასეირნოდ ამ ულამაზეს ადგილას? აქ ძალიან ბევრია გასაკეთებელი! მაგრამ ჩვენ მთელ დროს აქ არ გავატარებთ, რადგან არის ადგილი, რომელიც აუცილებლად უნდა ნახოთ კეფკენზე: ვარდისფერი კლდეები. ეს არის ადგილი, რომელიც შემორჩენილია პრეისტორიული დროიდან დღემდე და ყურადღებას იპყრობს თავისი განსხვავებული გარეგნობით. ეს ადგილი უძველესი დროიდან გამოიყენებოდა კარიერად. იმის გამო, რომ ქვების ეს განსხვავებული ფერი ქმნის განსხვავებას და უპირატესობას ანიჭებს არქიტექტურაში, უფრო მეტიც, ვარდისფერი ქანები, რომლებიც წყალში რბილია, ამოღების შემდეგ ხისტი ხდება! ანუ მათ მოჭრას დიდი შრომა არ სჭირდება და ამიტომაც საუკუნეების მანძილზე მასალები გემებით აქედან სხვადასხვა ადგილას გადაჰქონდათ. ოსმალეთის პერიოდში სულთან აჰმედის მეჩეთისა და რუმელის ციხის მშენებლობაში მასალები აქედან ჩაუტანიათ.

ვარდისფერი კლდეების ფერი, რომელთა მსგავსებს იშვიათად შეხვდებით, უფრო გამოკვეთილი ხდება მზის ჩასვლისას გავრცელებული წითელი ფერების გამო. შთამბეჭდავი ფოტოების გადაღების მსურველებს ვურჩევ გეზგინის პირას მისვლას.

აქედან კერპეზე გადავიდეთ. კერპეს კიდევ ერთი მნიშვნელოვანი მახასიათებელია ის, რომ მასში ტარდება პირველი სამეცნიერო წყალქვეშა გათხრები, რომლებიც ჩატარდა თურქეთის შავი ზღვის სანაპიროზე.

კერპე ცნობილია თავისი ლურჯი დროშის მქონე პლაჟებით, როგორიცაა კეფკენი. ასევე არის სერფინგისთვის შესაფერისი ზღვა. თუმცა, კიდევ ერთხელ მინდა შეგახსენოთ, რომ თავი შორს დაიჭიროთ ისეთ ადგილებდან, სადაც არის გაფრთხილება მიწისქვეშა დინების შესახებ და არ უნდა იბანაოთ ზღვაში, რადგან, როგორც არაერთხელ აღვნიშნეთ ჩვენი მოგზაურობის დროს, შავი ზღვა არის გარკვეულწილად საშიში ზღვა.

კერპეს ყველაზე შორეულ წერტილში არის არწივის კლდეები. ეს ბუნებრივი საოცრება კლდეები, რომლებიც შედგება ათასობით წლის განმავლობაში ტალღების ფორმირებულ ფენებს შორის, იპყრობს ყურადღებას მათი განსხვავებული გარეგნობით. ის სთავაზობს ვიზიტორებს შანსს გადაიღონ შესანიშნავი ფოტოები მზის ჩასვლისას.

დღეს დრო სწრაფად გავიდა და ქოჯაელის სანაპიროზე ვეღარ გადავედით. თუმცა, ამ ქალაქში ჯერ კიდევ ბევრია სანახავი…