ისრაელი აგრძელებს ლტოლვითა ბანაკების დაბომბვას

ისრაელის საჰაერო თავდასხმას ღაზის სექტორის ცენტრში მდებარე მაღაზის ლტოლვილთა ბანაკზე ბოლო  მონაცემებით, მინიმუმ 70 ადამიანი ემსხვერპლა. აღნიშნულის შესახებ ინფორმაციას, პალესტინის ჯანდაცვის სამინისტრო ავრცელებს.

თავის მხრივ, 7 ოქტომბრის შემდეგ ისრაელის თავდასხმების შედეგად დაღუპული პალესტინელების რაოდენობა 20 ათას 424-მდე გაიზარდა.

მეორეს მხრივ, ისრაელის თავდასხმების შედეგად დაღუპული გაეროს თანამშრომლების რიცხვი 142-მდე გაიზარდა.

შეგახსენებთ, რომ ჰამასის სამხედრო ფრთამ, „ალ-ყასამის ბრიგადამ“ 7 ოქტომბერს გამოაცხადა, რომ დაიწყო ყოვლისმომცველი შეტევა ისრაელზე, სახელწოდებით „ალ-აქსას წარღვნა“. მაშინ, როცა ღაზადან ისრაელის მიმართულებით ათასობით რაკეტა გაისროლეს და შეიარაღებული ჯგუფები შევიდნენ რეგიონის დასახლებებში.

ისრაელის არმიამ ასევე განაცხადა, რომ სამხედრო თვითმფრინავებით დაიწყო ღაზას სექტორის წინააღმდეგ „რკინის ხმლების“ ოპერაცია.