კენტუკის შტატში ძლიერი წვიმისა და წყალდიდობის შედეგად დაღუპულთა რიცხვი 37-მდე გაიზარდა

ამერიკის კენტუკის შტატში ძლიერი წვიმისა და წყალდიდობის შედეგად დაღუპულთა რიცხვი 37-მდე გაიზარდა.

უფლებამოსილთა განცხადებით, ასობით ადამიანი კვლავ დაკარგულად ითვლება.

შტატის გუბერნატორის ენდი ბიშიარის განცხადებით, ისინი შიშობენ, რომ წყალდიდობის შედეგად დაღუპულთა რაოდენობა გაიზრდება.

მან აღნიშნა, რომ წვიმის წყლებმა, რომელმაც გაანადგურა ქვეყნის ერთ-ერთი ყველაზე ღარიბი რეგიონი, 30 სანტიმეტრს გადააჭარბა და გააფრთხილა რეგიონის მოსახლეობა, რომ ძლიერ ქარს შეიძლება კიდევ სხვა საფრთხე მოჰყვეს.

კატასტროფის რაიონში, სადაც აშშ-ს ეროვნული გვარდიის სარდალმა, გენერალმა დანიელ ჰოკანსონმა განაცხადა, რომ 400-მდე ადამიანი გადაარჩინეს ვერტმფრენით, 18000 ადამიანი დარჩა ელექტროენერგიის გარეშე და სულ მცირე სამასი ადამიანი თავშესაფრებში გადავიდა.

ამ რეგიონში ხიდები და ასობით სახლი წყლით დაიფარა.

გავრცელდა ინფორმაცია, რომ კალიფორნიაში ტყის ხანძრის ზონაში, რომელიც პარასკევიდან გრძელდება, დამწვარ მანქანაში ორი ცხედარი იპოვეს.

ხაზგასმით აღინიშნა, რომ ტყის ხანძარი, რომელიც ემუქრება ათასობით სახლს, შესაძლოა ექსტრემალური სიცხის გამო გაიზარდოს.