თეთრი სახლი ერდოღან-ბაიდენის შეხვედრასთან დაკავშირებით განცხადებას ავრცელებს

ამერიკის შეერთებული შტატების პრეზიდენტმა ჯო ბაიდენმა პრეზიდენტ რეჯეფ თაიფ ერდოღანთან შეხვედრისას განაცხადა, რომ სურს ორ ქვეყანას შორის კონსტრუქციული ურთიერთობები გაგრძელდეს. თეთრი სახლი, პრეზიდენტ რეჯეფ თაიფ ერდოღან-ჯო ბაიდენს შორის ესპანეთის დედაქალაქ მადრიდში ნატოს სამიტის ფარგლებში გამართულ შეხვედრასთან დაკავშირებით წერილობით განცხადებას ავრცელებს, რომელშიც ნათქვამია: „პრეზიდენტი ჯო ბაიდენი მიესალმა თურქეთის მიერ ფინეთთან და შვედეთთან სამმხრივ მემორანდუმის ხელმოწერას, რომელიც გზას გაუხსნის ამ ქვეყნების ნატოში გაწევრიანებას. შეხვედრაზე ლიდერებმა ასევე განიხილეს ეგეოსსა და სირიაში სტაბილურობის შენარჩუნების საკითხი. ბაიდენმა კიდევ ერთხელ გამოთქვა სურვილი შეინარჩუნოს კონსტრუქციული ორმხრივი ურთიერთობები და ხაზი გაუსვა ორი ქვეყნის მთავრობებს შორის მჭიდრო კომუნიკაციის გაგრძელებას“.