ყველაზე გრძელი შუშის ხიდი გაიხსნა

ვიეტნამში, მსოფლიოში ყველაზე გრძელი, 632 მეტრი სიგრძის შუშის ხიდი გაიხსნა.

ტურისტული მახასიათებლებით გამორჩეულ სონ-ლას პროვინციაში 632 მეტრი სიგრძის შუშის ხიდის გახსნის ცერემონიალს, როგორც ადგილობრივი მთავრობის მაღალჩინოსნები, ასევე გინესის წიგნის წარმომადგენლებიც ესწრებოდნენ.

შუშის ხიდი სახელად „თეთრი დრაკონი“, რომლის შუშის ძირის სისქე 40 მილიმეტრია და აქვს 450 ადამიანის გადაზიდვის შესაძლებლობა, გინესის რეკორდების წიგნში შევიდა, როგორც ყველაზე გრძელი ხიდი მსოფლიოში.

ამის წინა რეკორდი, ჩინეთის პროვინცია გუანდონგის 526 მეტრი სიგრძის ხიდს ეკუთვნოდა.