გერმანია უკრაინას PzH 2000 ტიპის ჰაუბიცებს გადასცემს

გერმანია, რუსეთის წინააღმდეგ მებრძოლ უკრაინას უახლოეს მომავალში, PzH 2000 ტიპის 7 ერთეულ თვითმავალ ჰაუბიცას გადასცემს. აღნიშნულის შესახებ, სლოვაკეთში ვიზიტით მყოფმა გერმანიის თავდაცვის მინისტრმა, კრისტინა ლამბრეხტმა განაცხადა. მეორეს მხრივ, გერმანიის თავდაცვის სამინისტროს მიერ სოციალურ ქსელ,  Twitter-ის ანგარიშიდან გავრცელებულ განცხადებაში აღნიშნულია, რომ ზემოთ აღნიშნული იარაღის გამოყენებასთან დაკავშირებით, უკრაინელი სამხედროების წვრთნა შესაძლოა, გერმანიაში მომავალ კვირას დაიწყოს.

შეგახსენებთ, რომ რუსეთმა უკრაინის წინააღმდეგ სამხედრო ინტერვენცია,  მიმდინარე წლის 24 თებერვალს დაიწყო.