ციხის ბუნტი შრი-ლანკაში
ციხის ბუნტი შრი-ლანკაში
შრი-ლანკაში, ციხის ბუნტის შედეგად ბოლო ინფორმაციით 8 პატიმარი დაიღუპა, 45 კი დაშავდა. შრი-ლანკის პოლიციის პრესცენტრიდან გავრცელებული ინფორმაიის თანახმად, უბედური შემთხვევა დედაქალაქ კოლომბოდან 15 კილომეტრის ჩრდილოეთით მდებარე „მაჰარას“ ციხეში მოხდა.
ადგილობრივი მედიის ინფორმაციით, პატიმრებმა ციხეში, ახალი ტიპის კორონავირუსის (კოვიდ-19) შემთხვევების ზრდა გააპროტესტეს, არეულობის გასაკონტროლებლად კი სამართალდამცავებმა ცეცხლი გახსნეს.
პანდემიასთან დაკავშირებული უკმაყოფილება შრი-ლანკას ციხეებში ყოველდღიურად მატულობს. ბოლო კვირების განმავლობაში პატიმრებმა სასჯელაღსრულების დაწესებულებებში ინფიცირების შემთხვევების ზრდა რამდენიმე ციხეში გააპროტესტეს. ბოლო მონაცემებით, შრი-ლანკის ხუთ განსხვავებულ ციხეში სულ მცირე 2 მსჯავრდებული გარდაიცვალა კოვიდ-19-ის შედეგად, ხოლო 1000-ზე მეტს კორონავირუსი დაუდასრურდა.