კორონავირუსით გარდაცვლილთა რაოდენობამ 2400-ს გადააჭარბა
კორონავირუსით გარდაცვლილთა რაოდენობამ 2400-ს გადააჭარბა
1364609
ჩინეთში ქალაქ, უხანიდან გავრცელებული ახალი კორონავირუსით (2019-nCoV) ბოლო 24 საათის განმავლობაში კიდევ 97 ადამიანი დაიღუპა. გარდაცვლილთა საერთო რაოდენობამ კი 2444-ს მიაღწია. ინფორმაციას ამის შესახებ ჩინეთის ჯანდაცვის ეროვნული კომიტეტი ავრცელებს. უწყების ცნობით, ქვეყანაში კორონავირუსით ინფიცირების კიდევ 648 ახალი შემთხვევა გამოვლინდა, დადასტურებული შემთხვევების მთლიანი რაოდენობა კი ამ დროისათვის 76 936-მდე გაიზარდა, რომელთაგან 10 968-ის მდგომარეობა მძიმეა. დღემდე ვირუსით ინფიცირებული 22 888 ადამიანი გამოჯანმრთელდა. შეგახსენებთ, რომ ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება პირველად გასული წლის 12 დეკემბერს დაიწყო.