სერბეთში საგანგებო მდგომარეობა გამოცხადდა

სერბეთში უმრავლესობა ბოშნაკებით დასახლებულ ნოვი-პაზარის და ტუტინის ქალაქებში ძლიერმა წვიმამ წყალდიდობა გამოიწვია, რის გამოც ქალაქებში საგანგებო მდგომარეობა გამოცხადდა. ნოვი-პაზარის საგანგებო სიტუაციების სამმართველოს ცენტრიდან გავრცელებული ინფორმაციით, ძლიერმა წვიმამ წყალდიდობა გამოიწვია. დატბორილია გზები და საცხოვრებელი სახლები, დაზიანებულია რამდენიმე ხიდი. სტიქიის გამო შეზღუდულია სატრანსპორტო მოძრაობა. ქალაქ კრალევოში წყალდიდობის გამო ათობით ოჯახი იძულებული გახდა, საცხოვრებელი სახლები  დაეტოვებინა. მეორეს მხრივ უნდა აღინიშნოს, რომ ბალკანეთის ნახევარკუნძულზე უამინდობა რამდენიმე კვირაა გრძელდება.