ფილიპინებში ტაიფუნის შედეგად დაღუპულთა რიცხვი იზრდება

ფილიპინებში ტაიფუნს  ამ დროისათვის სულ მცირე, 120 ადამიანის სიცოცხლე ემსხვერპლა. ტაიფუნის შედეგად ასევე 12 ათასი ადამიანი იძულებული გახდა საცხოვრებელი სახლი მოეტოვებინა. ოფიციალური პირების განცხადებით, კუნძულ მინდანაოზე მომხდარი ტაიფუნის შედეგად დაღუპულთა რიცხვი სწრაფად იზრდება. რეგიონში სამაშველო და სამძებრო სამუშაოები ამ დროისათვისაც გრძელდება. მეორეს მხრივ  ქვეყანაში გასულ კვირას ძლიერი წვიმების და ქარიშხალის შედეგად სულ მცირე 40 ადამიანი დაიღუპა. ფილიპინებში ყოველწლიურად 20-მდე მსგავსი ტაიფუნი და ძლიერი ქარიშხალი იჩენს თავს.