ლიბანში ნაგვის კრიზისი მწვავდება

დედაქალაქ ბეირუთში ათასობით ადამიანმა ქვეყანაში არსებული ნაგვის კრიზისის გასაპროტესტებლად შუჰედასა და რიად ას სულჰის მოედნებზე აქციები გამართა. 

ლიბანის დროშებითა და ანტიკორუფციული პანკარტების თანხლებით გამართულ საპროტესტო აქციებზე დემონსტრანტებმა საპრეზიდენტო არჩევნების ჩატარება მოითხოვეს, რადგანაც ლიბანის პარლამენტში საპრეზიდენტო არჩევნები კვორუმის ვერ შედგენის გამო ერთ წელზე მეტია 27-ჯერ გადაიდო.

დედაქალაქ ბეირუთში ნაგვის გატანა ერთ თვეზე მეტია არ ხდება. მთავრობა კი პრობლემის მოგვარებას ვერ ახერხებს.