ინგლისი: "რუსეთს ძველი ტანკები გაყავს ბრძოლის ველზე"

ბრიტანეთის თავდაცვის სამინისტროს დაზვერვის ანგარიშში აღინიშნა, რომ რუსეთი 1961 წლის საბჭოთა კავშირის დროინდელ T-62 ტიპის ტანკებს საწყობებიდან გამოიტანს და ბრძოლის ველზე გააგზავნის.

ბრიტანეთის თავდაცვის სამინისტროს დაზვერვის ანგარიშში ნათქვამია: ”რუსული არმია (უკრაინის ომში) ცდილობს მძიმე ჯავშანტექნიკის დანაკარგის კომპენსაციის მიზნით 60 წლის T-62 ძირითადი საბრძოლო ტანკები განალაგოს“.

„რეალისტურია, რომ პირველი გვარდიის სატანკო არმიის ქვედანაყოფებიც კი, რომლებიც, სავარაუდოდ, რუსეთის წამყვან სატანკო ძალად ითვლება, ხელახლა აღიჭურვება T-62-ებით, წინა დანაკარგების ასანაზღაურებლად. ბოლო დღეებში დადგინდა, რომ რუსული BTR-50 ჯავშანტრანსპორტიორი, რომელიც პირველად მოედანზე 1954 წელს გამოჩნდა, ასევე პირველად განლაგდა უკრაინაში. 2022 წლის ზაფხულიდან მოყოლებული, დაახლოებით 800 T-62 იქნა გამოტანილი საწყობებიდან და ზოგიერთი აღჭურვილი იქნა გაუმჯობესებული მიზნობრივი სისტემებით, რათა გაზარდოს მათი ეფექტურობა ღამით“. - ნათქვამია ანგარიშში.

იქვე ასევე აღნიშნულია, რომ ამ მოძველებულ ტრანსპორტის სახეობებს თანამედროვე ბრძოლის ველზე ბევრი უსაფრთხოების ხარვეზი აქვთ.