ჩრდილოეთ კორეამ აღმოსავლეთის მიმართულებით ორი რაკეტა გატყორცნა

ჩრდილოეთ კორეამ დედაქალაქ ფხენიანის დასავლეთით მდებარე რეგიონიდან აღმოსავლეთის მიმართულებით რაკეტა გატყორცნა.

საინფორმაციო სააგენტო „იონჰაპ“-ის ცნობით, სამხრეთ კორეის გაერთიანებულ შტაბში გაკეთებულ განცხადებაში ნათქვამია, რომ ჩრდილოეთ კორეამ „დღეს ადგილობრივი დროით 16.30 საათზე ჩრდილოეთ ფხენიანის რეგიონიდან აღმოსავლეთის მიმართულებით რაკეტა გატყორცნა.“

განცხადების მიხედვით, ჩრდილოეთ კორეამ მოკლე რადიუსიანი 2 რაკეტა გატყორცნა და რაკეტებმა რიგრიგობით 420 და 270 კილომეტრი დაფარეს.

აქვე ნათქვამია, რომ სამხრეთ კორეელი და ამერიკელი უფლებამოსილები გამოცდისა და რაკეტების შესახებ უფრო მეტი ინფორმაციის მოპოვებას ცდილობენ.

ფხენიანმა 4 მაისს აღმოსავლეთ ზღვის (იაპონიის ზღვის) მიმართულებით ერთზე მეტი მოკლე რადიუსიანი რაკეტა გაუშვა

ჩრდილოეთ კორეის ოფიციალური საინფორმაციო სააგენტო KCNA-ს ცნობით, ქალაქ ვონსანში ჩატარებულ ტესტირებას ჩრდილოეთ კორეის ლიდერი კიმ ჩენ ინიც ესწრებოდა.