ამერიკის ორმა მუნიციპალიტეტმა 15 ივლისი დემოკრატიისა და ეროვნული ერთიანობის დღე აღიარა

ამერიკის ორმა მუნიციპალიტეტმა 15 ივლისი დემოკრატიისა და ეროვნული ერთიანობის დღე აღიარა

აშშ-ს დედაქალაქი ვაშინგტონის მერიამ და მერილენდის შტატის ქალაქ ბალტიმორის მერიამ გამოაცხადა, რომ მათ ოფიციალურად აღიარეს 15 ივლისი, დემოკრატიისა და ეროვნული ერთიანობის დღე.

თურქულ-ამერიკული მმართველი კომიტეტის (TASC) მიერ გაკეთებულ განცხადებაში ნათქვამია, რომ მერმა ბოუსერმა გამოქვეყნებულ განცხადებაში აღიარა 15 ივლისი დემოკრატიისა და ეროვნული ერთიანობის დღედ მე-7 წლისთავზე.

ბოუსერმა თქვა: „მადლიერებით ვიხსენებ იმ მამაც ადამიანებს, რომლებიც დაიღუპნენ დემოკრატიისთვის“.

თურქულ-ამერიკული მმართველი კომიტეტის თანათავმჯდომარემ, ადვოკატმა სეიტ შაჰინმა, რომელმაც მერიისგან მიიღო "აღიარების დეკლარაცია", მადლობა გადაუხადა მერ ბოუსერს 15 ივლისის ოფიციალური აღიარებისთვის და მისალოცი გზავნილისთვის.

თავის განცხადებაში შაჰინმა თქვა: „ძალიან მნიშვნელოვანია, რომ სახელმწიფო დაწესებულებამ პირველად აღიარა ეს განსაკუთრებული დღე აშშ-ში. სახელმწიფო გადატრიალების მოღალატური მცდელობისას, რომელიც განხორციელდა 2016 წლის 15 ივლისს, თავდასხმის განზრახვით თურქეთის რესპუბლიკის ეროვნულ ერთიანობასა და მთლიანობაზე, ყველა მოწამეობრივად დაღუპულს, ვინც სიცოცხლე გაწირა ჩვენი ერისა და დემოკრატიისთვის, ღვთის წყალობას ვუსურვებთ და მადლობას ვუხდით ჩვენს ვეტერანებს“.

მეორე მხრივ, გამოცხადდა, რომ აშშ-ს მერილენდის შტატის ბალტიმორის საქალაქო საბჭომ ოფიციალურად აღიარა 15 ივლისი დემოკრატიისა და ეროვნული ერთიანობის დღედ.

აღიარების დეკლარაციაში ნათქვამია: „ჩვენ ვაფასებთ თურქი ხალხის წინააღმდეგობას, ვაჟკაცობას და ეროვნული ერთიანობის შენარჩუნებას“.