ოსკარს ახალი კატეგორია დაემატა

კინოხელოვნების აკადემიის მიერ გაცემული, მსოფლიოს ყველაზე ცნობილ ოსკარის ჯილდოებში ცვლილებები ხორციელდება.

აკადემიის პრეზიდენტის, ჯონ ბეილისა და კინოაკადემიის აღმასრულებელი დირექტორის, დოუნ ჰადსონის განცხადებით, ოსკარების დაჯილდოების 91-ე ცერემონიაზე სამი მნიშვნელოვანი ცვლილება მოხდა.

მათგან პირველია სამაუწყებლო დროის სამი საათით შეზღუდვა, მეორე, ცერემონიის თარიღის უფრო ადრე გადმოტანა და მესამე და ყველაზე მნიშვნელოვანი ახალი კატეგორიის „არაჩვეულებრივი წარმატების მქონე პოპულარული ფილმი“-ს დამატება.

ამგვარად, 2001 წლიდან, როდესაც საუკეთესო ანიმაციური ფილმის კატეგორია დაამატეს, ოსკარების რაოდენობა პირველად გაიზრდება.