თურქულენოვანი ქვეყნების ჟურნალისტთა საბჭო მეორედ შეიკრიბა

თურქულენოვანი ქვეყნების ჟურნალისტთა საბჭოს პირველი შეხვედრა თურქეთის ქალაქ ესკიშეჰირში გაიმართა. მეორე შეხვედრა კი 26-29 მაისს თათრეთის რესპუბლიკის დედაქალაქ ყაზანში იმართება. აღნიშნული საბჭოს მეორე შეხვედრის მთავარი განხილვის თემა ევრაზიის კომუნიკაციები და თანამშრომლობაა. თურქული ქვეყნების ჟურნალისტთა საბჭოს მეორე შეკრებას ასევე ესწრებიან თურქეთის საერთაშორისო თანამშრომლობის და კოორდინაციის სააგენტოს (TİKA), საზღვარგარეთ მცხოვრები თურქების და მონათესავე საზოგადოების სამმართველოს (YTB), თურქეთის ტელე-რადიო მაუწყებლობის ერთ-ერთი არხის TRT Avaz-ის და სხვა სახელმწიფო დაწესებულებების წარმომადგენლებიც. წინასწარი ინფორმაციით, აღნიშნულ შეკრებაში ოცამდე ქვეყნიდან 100-ზე მეტი ჟურნალისტიც მიიღებს მონაწილეობას.