Mövlud Çavuşoğlu Haitidə oğurlanan Türkiyə vətəndaşları ilə əlaqəli açıqlama verib
Xarici işlər naziri Mövlud Çavuşoğlu Haitidə oğurlanan Türkiyə vətəndaşlarını xilas etmək üçün Haitidə böhran masası yaradıldığını bildirib.
![Mövlud Çavuşoğlu Haitidə oğurlanan Türkiyə vətəndaşları ilə əlaqəli açıqlama verib](http://cdn.trt.net.tr/images/xlarge/rectangle/2e10/be72/41cf/62611dea60604.jpg?time=1718519945)
Xarici işlər naziri Mövlud Çavuşoğlu Haitidə oğurlanan Türkiyə vətəndaşlarını xilas etmək üçün Haitidə işçi yaradıldığını bildirib.
Mövlud Çavuşoğlu Prezident Kompleksində keçirilən Nazirlər Kabinetinin iclasından sonra jurnalistlərin suallarını cavablandırıb.
Haitidə içərisində 8 Türkiyə vətəndaşının da olduğu sərnişin avtobusunun qaçırılması ilə bağlı sualı cavablandıran Çavuşoğlu "Təqib edirik. Hazırda Haitidə işçi qrupu yaradılıb" deyib.
İnsan oğurluğuna səbəb kimi fidyə ehtimalının nəzərdən keçirildiyini ifadə edən Çavuşoğlu Türkiyə vətəndaşlarının sağlıq durumu ilə bağlı mənfi məlumatların olmadığını vurğulayıb.
Xarici işlər naziri Mövlud Çavuşoğlu daha sonra hadisə ilə bağlı Haiti xarici işlər naziri Jan Viktor Geneus ilə telefon danışığı aparıb.