Mövlud Çavuşoğlu  Türkiyә ilә Misir heyәtlәri arasında baş tutan görüşlәri qiymәtlәndirib

Türkiyәnin xarici işlәr naziri Mövlud Çavuşoğlu deyib: ‘‘Misir ilә qarşıdakı dövrdә münasibәtlәri normallaşdırmaq üçün atıla bilәcәk addımlar mövzusunda görüşlәr davam edәcәk’’.

Mövlud Çavuşoğlu Türkiyә Radio vә Televiziya Qurumunun ‘‘TRT Haber’’ telekanalına müsahibә verib.

Xarici işlәr nazirinin müavini, sәfir Sedat Önal vә Misir xarici işlәr nazirinin müavini, sәfir Hamdi Sanad Lozanın rәhbәrliyindәki nümayәndә heyәtlәri arasında Qahirәdә iki gün davam edәn görüşlәrin  sona çatdığını  bildirәn Mövlud Çavuşoğlu deyib: ‘‘Birgә açıqlamada vurğulandığı kimi görüşlәr müsbәt atmosferdә keçib. Görüşdә ikitәrәfli münasibәtlәr vә iki ölkәni maraqlandıran regional mövzular müzakirә olunub. Liviya, Suriya, İraq vә Şәrqi Aralıq dәnizi mәsәlәsi hamımız üçün әhәmiyyәtlidir. Bu mövzular Misir üçün dә önәmlidir’’.

Mövlud Çavuşoğlu Misir ilә münasibәtlәri normallaşdırmaq üçün atıla bilәcәk addımlar mәsәlәsindә görüşlәrin davam edәcәyini qeyd edib.