Türkiyədə koronavirusdan həyatını itirənlərin sayı 1518 nəfərə çatıb

Türkiyədə yeni növ koronavirus (Covid-19) epidemiyasından ölənlərin sayı 1518 nəfərə çatıb. Onların 115-i sutka ərzində vəfat edib.

Əldə olunan məlumata əsasən,sutka ərzində 34 min 90 nəfər üzərində müayinə aparılıb. Onlardan 4 min 281 nəfərdə infeksiya aşkarlanıb.

Bu gün sağalan 875 nəfərlə infeksiyaya yoluxanlar arasında indiyədək 5 min 674  nəfər müalicə olunub.