Rәcәb Tayyib Әrdoğan vә Aleksis Çipras birgә mәtbuat konfransında çıxış ediblәr
Rәcәb Tayyib Әrdoğan Ankarada sәfәrdә olan Yunanıstan Baş naziri Aleksis Çiprası qәbul edib.
Türkiyә prezidenti Rәcәb Tayyib Әrdoğan Yunanıstanın FETÖ, PKK vә DHKP-C terrorçularının sığındığı etibarlı ölkә olmamasını gözlәdiklәrini deyib.
Rәcәb Tayyib Әrdoğan Ankarada sәfәrdә olan Yunanıstan Baş naziri Aleksis Çiprası qәbul edib.
Görüşdәn sonra keçirilәn birgә mәtbuat konfransında çıxış edәn Rәcәb Tayyib Әrdoğan deyib: ‘‘Yunanıstan ilә aramızdakı bütün mәsәlәlәri sülh yolu ilә hәll edә bilәcәyimizә inanıram. Yunanıstanın FETÖ, PKK vә DHKP-C terrorçularının sığındığı etibarlı ölkә olmamasını gözlәyirik’’.
Rәcәb Tayyib Әrdoğan Aleksis Çiprasın rәhbәrlik etdiyi nümayәndә heyәti ilә keçirdiyi görüşdә FETÖ terrorçuların Türkiyәyә ekstradisiyası ilә bağlı gözlәntilәrini bir daha dilә gәtirdiyini bildirib.
Viza rejimi mәsәlәsinә dә toxunan Rәcәb Tayyib Әrdoğan bildirib ki, biz verdiyimiz sözlәri tutduğumuz kimi Avropa İttifaqından da öz öhdәliklәrini yerinә yetirmәlәrini gözlәyirik.
Aleksis Çipras isә öz növbәsindә Türkiyә ilә Yunanıstan arasındakı dialoqun sәmimi olduğunu vurğulayıb.
‘‘Problemlәri dialoq yolu ilә hәll etmәyә çalışırıq’’,-deyә Yunanıstan Baş naziri qeyd edib.
