Küveyt baş naziri Şeyx Cabir əl-Mübarək əl-Həməd əs-Sabah Türkiyəyə rəsmi səfər edəcək

Küveyt baş naziri Şeyx Cabir əl-Mübarək əl-Həməd əs-Sabah Türkiyəyə rəsmi səfər edəcək.

Türkiyə Nazirlər Kabinetinin Mətbuat Mərkəzindən verilən məlumata görə, bu axşam Türkiyəyə gələcək Küveyt baş nazirinin rəsmi görüşləri sentyabrın 16-dək  davam edəcək.
 
 Əs-Sabah Türkiyə baş naziri Binəli Yıldırım ilə görüşəcək. Görüşdə  ölkələr arasında  münasibətlər, gündəmdə olan regional və beynəlxalq məsələlər müzakirə olunacaq.
 
 Səfər çərçivəsində Türkiyə ilə Küveyt arasında müxtəlif sahələrdə beynəlxalq sənədlər imzalanacaq.
 
 Küveyt baş naziri Şeyx Cabirin prezident Rəcəb Tayyib Ərdoğan tərəfindən də qəbul edilməsi nəzərdə tutulur.