Dövlət başçısı Rəcəb Tayyib Ərdoğanın Körfəz ölkələrinə səfəri davam edir
Türkiyәnin dövlәt başçısı Rəcəb Tayyib Ərdoğan Körfəz ölkələrinә etdiyi sәfәrinin ikinci dayanacağı Sәudiyyә Әrәbistanındadır.
Bәhreyndәki görüşlәrini başa çatdıran Rәcәb Tayyib Әrdoğan dünәn Sәudiyyә Әrәbistanının paytaxtı Әr-Riyada keçib.
Dövlәt başçısı Rәcәb Tayyib Әrdoğan hava limanında Sәudiyyә Әrәbistanı kralı Salman bin Әbdülәziz, Әr-Riyad әmiri vә sәfirlik әmәldaşları tәrәfindәn qarşılanıb.
Mәlumata görә, dövlәt başçısı Ərdoğan vәliәhd şahzadə Məhəmməd bin Naifi axşam saatlarında qəbul edib.
Bu gün ilk olaraq vəliəhd vəkili şahzadə Məhəmmədi qəbul edən dövlәt başçısı Rәcәb Tayyib Ərdoğan üçün rəsmi qarşılama mərasimi keçirilib.
Mərasimdәn sonra kral Salman Rәcәb Tayyib Ərdoğanın şәrәfinә rəsmi nahar yeməyi verib.
Nahardan sonra heyәtlәrarası görüş keçirilib.
Görüşdә regional və beynəlxalq proseslər müzakirə olunub.
Rәcәb Tayyib Әrdoğanı sәfәri çәrçivәsindә Xarici İşlər naziri Mövlud Çavuşoğlu, Enerji və Təbii Sәrvәtlәr naziri Berat Albayrak, İqtisadiyyat naziri Nihat Zeybekci, Milli Müdafiə naziri Fikri Işık, Türkiyә Silahlı Qüvvәlәrinin Baş Qərargah Rəisi general Hulusi Akar, Milli İstihbarat Təşkilatının müstəşarı Hakan Fidan (MİF) müşayiәt edir.
Qeyd edәk ki, Türkiyәnin dövlәt başçısı Sәudiyyә Әrәbistanından sonra Qәtәrә sәfәr edәcәk.