Türkiyə xalqı demokratiyasını qorumağa davam edir
Fetullahçı Terror Təşkilatının (FETÖ) hәyata keçirdiyi çevriliş cəhdindәn sonra milli iradəyə sahib çıxmaq üçün Türkiyənin dörd bir tərəfində vətəndaşların doldurduğu meydanlardan birlik və bərabərlik mesajları yüksəlir.
Fetullahçı Terror Təşkilatının (FETÖ) hәyata keçirdiyi çevriliş cəhdindәn sonra milli iradəyə sahib çıxmaq üçün Türkiyənin dörd bir tərəfində vətəndaşların doldurduğu meydanlardan birlik və bərabərlik mesajları yüksəlir.
Dövlət başçısı Rəcəb Tayyib Ərdoğan və Baş nazir Binәli Yıldırımın çağırışı ilә ölkәnin dörd bir tərəfində meydanlara axın edən vətəndaşlar çevriliş cәhdinә öz etirazlarını bildirirlәr.
Dünәn axşam saatlarında İstanbulun Taksim meydanını dolduran vәtәndaşlar çevriliş cәhdinә reaksiya göstәriblәr.
İstanbul Böyükşəhər Bələdiyyəsi tәrәfindәn qurulan platformadan dövlət başçısı Rəcəb Tayyib Ərdoğanın daha əvvəl oxuduğu şeirlər sәslәndirilib.
Taksimdәki demokratiya növbәsindә 10 rayonun bәlәdiyyә sәdri dә iştirak edib.
Ankaranın Kızılay meydanında da minlәrlә vәtәndaş demokratiya keşiyindә durmağa davam edir.
Kızılay meydanındakı demokratiya növbәsindә Әdalәt vә İnkişaf Partiyasının Qadın Qolları Başçısı Lütfiyə Selva Çam, Ankaranın Bələdiyyə sədri Melih Gökçәk, rayon bələdiyyə sədrləri ilə bir sıra qeyri-hökumət təşkilatı nümayəndələri də iştirak edib. Millәt vәkili Lütfiyə Selva Çam vә bәlәdiyyә sәdrlәri çevriliş cəhdinə reaksiya göstəriblәr.