Baş nazir Davudoğlu gǝnclǝrin suallarını cavablandırıb

Baş nazir Әhmǝd Davudoğlu Şanlıurfa şǝhǝrindǝ özǝl telekanallardan birindǝ canlı yayım zamanı gǝnclǝrin suallarına cavab verib.

Davudoğlu Şanlıurfa düşmǝn işğalından xilas edilǝrkǝn ǝldǝki mǝhdud imkanlarla ortaya qoyulan qǝhrǝmanlıq vǝ fǝdakarlıqlardan danışaraq, birlik vǝ qardaşlıq nǝticǝsindǝ ǝldǝ edilǝn uğurların daşıdığı ǝhǝmiyyǝtǝ toxunub.

Davudoğlu bildirib ki, indi bizi müxtǝlif kimliklǝrlǝ bölmǝk istǝyǝnlǝr, Suriyadakı atǝşi bizǝ istiqamǝtlǝndirmǝk istǝyǝnlǝr var. Şanlıurfanın hekayǝsi unutulmamalıdır. Azadlıq mübarizǝsini başladanların arasında Türk, Kürd, Әrǝb hamısı vardı. Bundan sonra da bunların hamısı qardaş kimi yaşayacaqdır.

Davudoğlu gǝnclǝrdǝn birinin sosial medianın bǝzi terror hücumlarından sonra nǝ üçün qadağan edildiyinǝ dair sualına cavabǝn deyib ki, terror aktlarından sonra sosial şǝbǝkǝdǝ vicdanları yaralayan bǝzi görüntülǝr dolanır, özünüzü onların yerinǝ qoyun. Dünyada müxtǝlif yerlǝrdǝ törǝdilǝn terror aktlarından sonra belǝ qǝrarlar qǝbul edilir.

Baş nazir Davudoğlu Türkiyǝdǝ böhran yaratmaq istǝyǝnlǝrin qarşısında güclü bir özünǝinam göstǝrdiklǝrini vurğulayaraq bildirib ki, Türkiyǝ hǝr zaman mǝzlumların yanındadır. Hal-hazırda Türkiyǝnin bayrağını görǝn bir somalili, bir fǝlǝstinli “Bu mǝni tǝmsil edir" deyirsǝ, bu bayrağın altında yaşamaq üçün qaçaraq Türkiyǝ sǝrhǝdlǝrinǝ gǝlǝn bir suriyalı “Bu bayrağın altına sığınım" deyǝ bilirsǝ, minlǝrlǝ kilometr uzaqdakı arakanlını ziyarǝt etdiyim zaman bayrağımızı öpǝrǝk başına qoyursa o bayraq simvol kimi o ölkǝnin dǝyǝrini ǝks etdirir.

Yeni konstitusiya mǝsǝlǝsinǝ dǝ toxunan Baş nazir yeni bir konstitusiya hazırlamaq üçün fǝaliyyǝtlǝrin davam etdiyini söylǝyib.

Xeyli sayda vǝtǝndaşın şǝxsi mǝlumatlarının internetǝ sızdırıldığına dair mövzuya da münasibǝt bildirǝn Davudoğlu deyib ki, vǝtǝndaşlarımızın haqqını, hüququnu qorumaq bizim vǝzifǝmizdir. Şǝxsi mǝlumatlarla hǝr hansı qeyri-qanuni işlǝr görülmǝmǝsi mǝqsǝdilǝ tǝdbirlǝr görülür.

Suriyada davam edǝn toqquşmalar vǝ qaçqın mǝsǝlǝsinǝ dǝ toxunan Baş nazir Davudoğlu bu ölkǝdǝki problemin hǝllinin hǝr ötǝn gün daha da çǝtinlǝşdiyini, Suriyadakı hadisǝlǝrin ilk mǝrhǝlǝsindǝ ABŞ-ın Türkiyǝnin narahatlığını vǝ Suriyadakı problemin nǝ qǝdǝr ciddi olduğunu kifayǝt sǝviyyǝdǝ başa düşmǝdiyini ifadǝ edib.