II Beynәlxalq Türk Dünyası Filmlәri Hәftәsi start götürüb
Türk Dünyası Kinematoqrafçılar İttifaqı vә Avrasiya Mədəniyyət və İncəsənət Dәrnәyinin tәşkilatçılığı ilә bu il ikincisi keçirilәn ‘‘II Beynәlxalq Türk Dünyası Filmlәri Hәftәsi’’ start götürüb.
Türk Dünyası Kinematoqrafçılar İttifaqı vә Avrasiya Mədəniyyət və İncəsənət Dәrnәyinin tәşkilatçılığı ilә bu il ikincisi keçirilәn ‘‘II Beynәlxalq Türk Dünyası Filmlәri Hәftәsi’’ start götürüb.
On filmin nümayiş olunacağı tәdbirin açılış mәrasimi İstanbulda baş tutub.
Tәdbirdә açılış nitqi ilә çıxış edәn Avrasiya Mәdәniyyәt vә İncəsənət Dәrnәyinin sәdri Menderes Demir Türk dünyasının Şәrqi Türküstandan Avropayadәk uzanan geniş bir mәkanı әhatә etdiyinә işarә edәrәk deyib: "Geniş bir mədəniyyətə sahib olan bir ailəyik. Hamımızın qayəsi Türk mədəniyyətini, Türk dünyasının gözəlliklərini kinematoqrafçı gözü ilә tәqdim etmәk və dünyaya Türkün incəsənətdəki, kinodakı vә mədəniyyətdəki yerini izah etməkdir".
Menderes Dəmir tədbiri dəstəkləyən hər kəsə təşəkkür edərək:" İnsanlar mədəniyyət vә incəsənət vasitəsilə qardaşlıq duyğularını bir addım daha irəliyә daşıyaraq geniş ailəyә sahib olan Türk millətinin ''dildə, fikirdə vә birlikdə'' şüarı ilə hərəkət etməsinə töhfə verirlәr. İnşallah bir həftə ərzində İstanbul Universitetində keçiriləcək Türk Dünyası Sənədli Film Festivalı ilə İstanbulda Türk dünyası küləklərini әsdirәcәyik’’deyә vurğulayıb.
Açılış mәrasiminә qatılan Türkmənistanlı rejissor, ssenarist və aktyor Hocakulu Narlıyev də Türk dünyası ilə bağlı həyata keçirilən tәdbirlәrin uğurlu alındığını qeyd edәrәk: "Türk millətlərinin bir-birini tanımasında kinonun böyük rolu var. Bir-birimizi tanısaq aramızdakı qardaşlığı vә bağları yenidən gücləndirәrik" deyib.
Çıxışlardan sonra ‘‘Karvan 1915’’ filmi nümayiş olunub.
Türk dünyası arasında dil və mədəniyyət birliyini təmin etmək məqsədilə keçirilәn film həftəsinin ilki keçən il Tatarıstanın paytaxtı Kazanda təşkil olunmuşdu.
Türk Dünyası Jurnalistlər Federasiyası,Türkiyә Mədəniyyət və Turizm Nazirliyinin Kino üzrә Baş İdarəsi ilə İstanbul Böyükşəhər Bələdiyyəsi tərəfindən dəstəklənən tәdbir oktyabrın 6-dәk davam edәcәk.