'ARTANKARA' sərgisinə sabah start veriləcək
Ankara Ticarət Palatası (ATO) da təşkil ediləcək sərgi 16-19 Mart tarixlərində 10.00-20.00 saatları arasında gəzilə biləcək.
!['ARTANKARA' sərgisinə sabah start veriləcək](http://cdn.trt.net.tr/images/xlarge/rectangle/3edb/5d67/2f65/58c903081d0cc.jpg?time=1719154608)
Şəkildən heykələ, fotoşəkildən keramikaya qədər müasir sənətə məxsus ən yeni və qiymətli nümunələr nümayiş etdiriləcək olan növbəti "ARTANKARA" Beynəlxalq Müasir İncəsənət sərgisinə 20 ölkədən yüzlərlə sənətçi qatılacaq.
Sərgidə, Almaniya, Avstriya, Bolqarıstan, Çex Respublikası, Cənubi Koreya, Filippin, Fransa, İsveçrə, İtaliya, İngiltərə, İran, Gürcüstan, Yunanıstan, Ukrayna, Qırğızıstan, Qazaxıstan, Lixtenşteyn, Macarıstan, Makedoniya və Rusiyadan 600 sənətçi ilə 48 qalereya, muzey və universitetlər olmaqla 108 təşkilat iştirak edəcək.
2015-ci ildə ilk dəfə təşkil edilən sərgiyə 17 min, 2016-da isə 32 min sənətsevər qatılmışdı. Cari ildə isə iştirakçı sayında olduğu kimi ziyarət edəcək olanların da sayında artım gözlənir.