Finlandiyada bıçaqlı təcavüz

Finlandiyanın Turku şəhərində təcavüzkar bıçaqla çox sayda insanı yaraladı.
 
 BBC-nin verdiyi xəbərə görə, polis təcavüzkarı ayağından vuraraq yaxalayıb.
 
 Finlandiya polisindən verilən açıqlamada: "Turkunun mərkəzində bir neçə nəfər bıçaqlandı. Polis şübhəli təcavüzkarı vurdu. Təcavüzkar yaxalandı" deyilir.
 
 Finlandiyanın "The Turun Sanomat" qəzeti hücumda bir nəfərin həlak olduğunu yazdı.
 
 Lakin rəsmi orqanlar hələ bu məlumatı təsdiq etməyib.
 
 Finlandiya polisi Turkudaki hücumdan sonra Helsinkidə hava limanı və qatar stansiyalarında təhlükəsizliyin artırıldığını bildirdi.